كۆمێنتێكی كورت ...

PUKMEDIA

بارەگای مەكتەبی راگەیاندنی یەكیتیی نیشتمانیی كوردستان

لەكاتێكدا سەروەری خاكی عیراق و سەلامەتی گەل و خاكەكەی لە هەرێمی كوردستان رووبەڕوی هێرشی دوژمنكارانە دەبێتەوە لە رێگەی  بە ئامانج گرتنی فرۆكەخانەی عەربەتەوە، ئالەم كاتەدا زۆر بەڕێز كیفاح مەحمود  راوێژكاری رەسمی لە هەولێر لە كەناڵی ( العربیە حدث )ەوە بەرگری لەو پێشێلكارییە زەقانە دەكات و پاساویان بۆ دەهێنێتەوە و راستییەكان دەشێوێنێت، تۆمەت بۆ هاوبەشەكانی حزبەكەی  لە حكومەتی هەرێم یا حكومەتی عیراقی فیدراڵ لە بەغدا دروستدەكات .
 
هەروەها هەندێك دەربڕینی ناپەسەند دووپات دەكاتەوە كە نزیكە لە بەیاننامەكەی وەزارەتی دەرەوەی توركیا كە هێرشەكەی سەر فڕۆكەخانەی عەربەتی گرتەئەستۆ، ئەوە هەر نەیسە تەعبیر لە رای رەسمی ئەنقەرە دەكات، بەڵام ئەوەی جێگای سەرسوڕمانە مەحمود كفاح پێش بەیاننامە رەسمییەكەی ئەنقەرە كەوت و وەك ئەوەی ئاگای پێشتری لە پیلانەكە بوبێت.

سەیرتر ئەوەیە بۆچوونی راوێژكارێكی رەسمی لە كوردستان هەمان رای هەڵوێستێكی غەیرە عیراقی بێت بە وردەكارییەوە، لاشمان جێگای سەرسوڕمانە كەناڵێكی پرۆفیشناڵ و سەنگینی وەك ( الحدث ) روماڵی ئەم روداوە دەكات لە شوێنێكی دوور لە رودانی روداوەكە و میوانداری كەسانێكی دور لە روداوەكە و ئەوانەی راستەوخۆ پەیوەندیان بە روداوەكەوە هەیە دەكات و پەنا بۆ كەسێك دەبات كەتەنها پەیوەندی بەم روداوەوە ئەوەیە كە كوردە بەڵام بۆچوونەكانی دورە لە كوردایەتی و دەقاو دەقە لەگەڵ ئەوانەی هێرشە دوژمنكارییەكەیان بۆسەر سەروەری هەرێمی كوردستان و عیراق بەگشتی ئەنجام داوە.

پێویستە كەناڵی (الحدث) پیشەیی بوونی خۆی  بپارێزێت و  پەیامنێرەكەیان لە بڵاوكردنەوە و دەرخستنی بڵاوكراوەی رەسمی كەسانی تر بە دووربگرن لە رێگەی هەندێك  میوان كە لەبەلاش سینگدەردەپەڕێنن  بۆ (كیفاحێكی غەیرە مەحمود) و بێ پاساو  ئامادەن بۆ چەپڵە لێدان بۆ دوژمنكارانی سەر وڵاتەكەیان و هەلهەلە لێدان بۆیان ..

پەیوەندییەكانی مەكتەبی راگەیاندنی یەكیتیی نیشتمانیی كوردستان

PUKMEDIA