کۆنگرە کۆتایی بە پرتەی ئوتیلی سیاسی دەهێنێت

PUKMEDIA

بیروڕا

ئاشنا عەلی

کۆنگرەی پێنجەمی ی.ن.ک، مۆری حەق و راستی لەسەر راستکردنەوەی رێرەو دەدات؛ بژاری سیاسی خۆی بە چالاکی دەکات، وەک راستینەی مێژووی بە کردەی کەسی شیاو لە شوێنی شیاو جێگیر دەکات، کۆتایی بە رەگ و ریشەو تۆوی تاقم و دەستەو باڵۆنی سیاسی دەهێنێت.

بۆ ئێستاو لەمەودوا ئەم حزبە جەستەی چیتر بێ سەر نییە بەڵکو جەستە بەهێزەکە کە جەماوەری یەکێتیی و کوردپەروەرانن سەرێکی بەهێزوو بەکاریگەی خۆی دەبێت.

هێزی بە ئیرادەی سەرۆک بافڵ جەلال تاڵەبانی و تێکۆشەرانی نێو یەکێتی پارێزەری ڕاستەقینەی رێبازی پیرۆزی سەرۆک مام جەلال دەبن، رەنوەکە ئەوان دەیشکێنن بەرەو ئایندە، بریاری بەستنی کۆنگرەی پێنج لە کۆتایی مانگی نۆی ئەمساڵ بریارێکی گرنگ و راست و دروستە؛ بۆ کۆتایی هێنان بە زهنییەتی ئوتیلی سیاسی کە لە کۆنگرەی رابردوو بە سیاسەتی دەڕابەو ترس و پارە ئاراستەی ئەو چالاکییە کرا.

سەرۆک بافڵ لە کەرکوکەوە جاڕی سەردەمێکی ترو گەشی دا بۆ ئایندەی یەکێتیی و کۆمەڵانی خەڵکی کوردستان.

PUKMEDIA