‎ پەرلەمانتارێكی یەكێتی داوای دابینكردنی دۆلار بەنرخی رەسمی لەهەرێم دەكات

پەڕەی د.نەرمین مەعروف

د.نەرمین مەعروف و پارێزگاری بانكی ناوەندی

د.نەرمین مەعروف ئەندامی لیژنەی دارایی لە ئەنجومەنی نوێنەران لەگەڵ پارێزگاری بانكی ناوەندی عیراق كۆبووە و تاوتوێی دابینكردنی نرخی دۆلاريان بە نرخی رەسمی بۆ بازرگانانی ھەرێم كرد.

د.نەرمین مەعروف ئەندامی لیژنەی دارایی لە ئەنجومەنی نوێنەران لە لێدوانێكیدا بۆ سایتی رەسمی یەكێتیی نیشتمانیی كوردستان PUKMEDIA رایگەیاند: "كۆبوونەوەمان لەگەڵ پارێزگاری بانكی ناوەندی عیراق لە چوارچێوەی بەدواداچوونەكانیاندا بوو بۆ مافەكانی ھاووڵاتییانی ھەرێمی كوردستان و گفتوگۆمان لەبارەی ژمارەیەك پرسەوە كرد، لەوانەش كێشەی خاوەندارانی 25 دیناری كە نزیكەی 30 ساڵە قەرەبوونەكراونەتەوە".

"باسمان لەدابینكردنی دۆلار بە نرخی رەسمی بۆ بازرگانانی خاوەن بازرگانی بچووك و مامناوەندا لە ھەرێم كردووە و لەگەڵ كردنەوەی لقی سلێمانی بانكی ناوەندی و دووبارەكردنەوەی لقەكانی بانكی رەشید و رافیدەین لە ھەرێم" د.نەرمین مەعروف وادەڵێت.

د.نەرمین مەعروف وتیشی: "پارێزگاری بانكی ناوەندی سەرەڕای ھەڵوێستی ئەرێنی ھاوكات بەڵێنیداوە كاری جددی لەسەر پرسەكان بكەن و لەئایندەیەكی نزیكدا جێبەجێبكەن".

PUKMEDIA