هاوخەمی د. محەمەد سابیر بۆ کۆچی دوایی ئان کلوید

PUKMEDIA

ئان کلوید

سەرۆکی دامەزراوەی سەرۆک جەلال تاڵەبانی بۆ کۆچی دوایی دۆستی کورد خاتوو ئان کلوید هاوخەمی دەردەبڕێت و دەڵێت: "خاتوو ئان کەمپینگەرێکی سیاسی بوێر و چاونەترس و پرەنسیپی بوو، باشترین دۆستی گەلی کورد بوو".

دەقی پرسەنامەکە.........

بۆ خێزانی خاتوو ئان کلوید،
بەداخ و پەژارەیەکی زۆرو هاوخەمی دڵسۆزانم بەناوی دەزگای سەرۆک جەلال تاڵەبانی دەردەبڕم بۆ کۆچی دوایی ئان کلوید، پەرلەمانتاری پێشووی پارتی کرێکاران.

خاتوو ئان کەمپینگەرێکی سیاسی بوێر و چاونەترس و پرەنسیپی بوو، باشترین دۆستی گەلی کورد بوو کە زۆربەی تەمەنی  تەرخانکرد بۆ بانگەشەی وەستانەوە لە دژی سەرکوتی دڕندانەی گەلی کورد لە عێراق بەتایبەت لە کاتە سەختەکاندا ، هەروەها پاڵپشتی و بانگەشەی لابردنی سەدام حوسێنی دەکرد. باشترین و ئازاترین بەرگریکاری مافەکانی مرۆڤ بوو، پێشەنگ بوو بۆ ژنان لە سەرانسەری جیهان. کارەکانی لە ماوەی چەندین ساڵدا بۆ مافەکانی ژنان و دادپەروەری نێودەوڵەتی و ئاشتی لەبیر ناکرێن. دۆستایەتییەکەی لەگەڵ سەرۆک جەلال تاڵەبانی نایاب بوو بەو پێیەی هەردووکیان بیروڕاکانیان ئاڵوگۆڕ دەکرد و زۆر لەیەکەوە نزیکبوون لەسەر ڕووداوە سیاسییەکانی عێراق و کوردستان.

گەلی کورد بە لەدەستدانی کەسایەتییەکی لەو شێوەیە، باشترین دۆست و دڵسۆزی خۆی لەدەست داوە کە بۆ هەتا هەتایە یادی دەکرێتەوە و پشتیوانی و داکۆکییەکانی بۆ ئەم میللەتە هەرگیز لەبیر ناچێتەوە.

لەم ساتی سەختییەدا، بە میهرەبانییەوە داوای قبوڵکردنی سەرەخۆشی لە ئێوە دەکەین و خوای گەورە لە بەهەشتدا بە ئارامی شاد بکات.

لەگەڵ هاوسۆزی دڵسۆزانە،

باڵیۆز د.محمد سابیر ئیسماعیل
سەرۆکی دامەزراوەی سەرۆک جەلال تاڵەبانی

PUKMEDIA