لە هەولێر پرسە بۆ زاواکەی سەدام حسێن دادەنرێت

PUKMEDIA

زاواکەی سەدام و لافیتەی پرسەکەی لە هەولێر

دوو رۆژ پرسە بۆ غالب مەحمود خەتاب زاوای سەدام حسەینی دیکتاتۆر لە شاری هەولیر دادەنرێت کە هەر لەوێش ژیاوە و رۆژی هەینی ٢١-٧-٢٠٢٣، لە یەکێک لە نەخۆشخانەکانی پایتەختی هەرێم مردووە.

پرسەی ناوبراو لە مزگەوتی سامی حمد گەردی-ە لە هەولێر و هەر دوێنێش تەرمی ناوبراو لە هەولێرەوە بەڕێخرا بۆ تکریت و لەوێ بەخاکسپێردراوە.

بەگوێرەی زانیارییەکان لە شاری هەولێر ژمارەیەکی زۆر لە بەرپرسان و دەسەڵاتدارانی پێشووی بەعس داڵدەدراون و لەناویاندا خزم و کەسوکاری سەدامی دیکتاتۆر، بەهۆی زۆریشیانەوە لە هەولێر پرسە بۆ زاواکەی سەدام حسێن دانراوە.

غالب مێردی خوشکی سەدام، مامی عەبد حمود و باوکی شجاع وفوازە، کە کۆنە بەعسین، زاواکەی سەدام کە پلەی باڵای هەبووە لە حکومی ڕژێمی بەعس  لەدوای رووخاندن و  کۆتایهاتنی ڕژێمی بەعس، لە هەولێر دەژیا و داڵدەدراوە.

پێشتریش گەورە بەرپرسی رژێمی بەعس، عزەت ئەلدوری لە هەولێر کۆچی دواییکرد ئەمەش دووەم سەرکردەی بەعسە کە لەهەولێر دەژیان و لەهەمان شاریش کۆچی دوایان کردووە. 

PUKMEDIA