چیرۆکی هەکاری

PUKMEDIA

یادی شەهیدانی هەکاری

ستران عەبدوڵڵا

یادی شەهیدانی سەربەرزی هەکاری و یادی کارەساتی گەورەی هەوڵی نەزۆکە بۆ پەکخستنی کاروانی شۆرشی نوێی گەلەکەمان.

یادی  جوامێرانی کوردایەتییە کە خوێنیان بووە خەڵاتی کوردستانێتی شۆرش و پشت ئەستورکردنی کوردایەتی بە چەکی شەرەف و فیشکی قاچاخ تا ئیتر بزووتنەوەی کوردستان پێویستی بە شا و گەدای بێگانە و ئەغیار  نەبێت. تا ئەگەر کەیفیان نەسازا  نەهێڵن شۆڕش قسەی هەبێ و قەراری مانەوەی خۆی بدات .

سێ شەهید لە وێنە سونبلن و سەدانی تر شایەتی گەشەی خەباتن لە تیمی دیعایەی چەکدار تا مەفرەزەکانی مژدەی شۆڕش و تا تەنینەوەی بزووتنەوەی یەکێتیی نیشتمانیی کوردستان بە هەموو کوردستانا، لە بادینان تا سۆران تا شارەزوور و هەورامان . بۆ ئەوەی حزب ناوەکەی بە خۆوە بێت نیشتمانی بێت و کوردستانیی و بۆ یەکێتیی شۆرشی گەل کۆشش بکات.

هەکاری یەک وێستگەیە لە دەیان وێستگەی بەرەنگاری کە ویسترا ناونیشانی شۆرش و چەواشەیی تێکەڵ ببێت و  شەهیدانی سەرکردە :  عەلی عەسکەری و دکتۆر خالد و حسێن بابەشێخ  و هەڤاڵەکانیان بە خوێن  هێڵی  راست و چەپیان کێشا و جیایان کردەوە.

ئەمانە قوربانی دەستی غەدرن و شەهیدی بێ رۆژی شەهادەت و بێ گۆری بە ناونیشانن . بەڵام یادیان هەموو ساتێک نەمر و جاویدانە . داستانی شۆرش و چەواشەییە کەی خوێن و خوێ تێکەڵ بوو ئەو دوانەش  تێکەڵ دەبن.

چیرۆکی هەکاری ئەوەیە، تا هەق سەردەکەوێ برین هەر کولاوەیە .