١٣ کەس بەتۆمەتی دزیکردن دەستگیردەکرێن

راگەیاندنی ئاسایشی رۆژئاوای سلێمانی

دەستگیرکراوان

بەگوێرەی ڕاگەیەندراوێکی رۆژنامەنوسی کە وێنەیەکی بۆ PUKMEDIA نێردراوە، دەزگای ئاسایشی هەرێمی کوردستان دەستگیرکردنی ( ٣ ) گرووپی دزیکردنی ڕاگەیاند، کە 13 کەسن و لەلایەن بەڕێوەبەرایەتی ئاسایشی ڕۆژئاوای سلێمانیەوە دەستگیرکراون. 

بەپێی زانیارییەکان لە چەند ڕۆژی ڕابردوودا هێزەکانی ئاسایشی ڕۆژئاوای سلێمانی بە فەرمانی دادوەری لێکۆڵینەوه بە ماددەکانی ( ٤٤٣ ، ٤٤٤ ، ٤٤٦ ) سیانزە کەسیان بە تۆمەتی دزیکردن دەستگیرکردووە . 

لە راگەیەندراوەکە دا هاتووە:" تۆمەتبارەکان لە سنوری قەزای چەمچەماڵ و ناحیەکانی دەوروبەری دزییان لە ماڵان و دوکان و شوێنە گشتیەکان کردووە و سەرانەشیان لە هاووڵاتیان وەرگرتووە". 

ئەو سێ گرووپە ( ئۆتۆمۆبێل ، ئاڵتون ، پارە ، مۆبایل ) دزیوەو تۆمەتبارەکانیش  دانیشتوی هەرێمی کوردستان و پارێزگاکانی خوارووی عیراقن.

PUKMEDIA