هەشت بازرگان و بەكارهێنەری ماددەی هۆشبەر دەستگیردەكرێن

PUKMEDIA

ئاسایش

هەشت بازرگان و بەكارهێنەری ماددەی هۆشبەر دەستگیركران و دەستیش بەسەر بڕێك كریستاڵ و كەلوپەلی تایبەتی بەكارهێنانی ماددەی هۆشبەردا گیراوە.

بەپێی راگەیەندراوێكی رۆژنامەنوسی ئاسایشی هەرێم كە وێنەیەكی بۆ PUKMEDIA نێردراوە، ئاشكرایدەكات كە لە هەڵمەتێكدا بەڕێوەبەرایەتی ئاسایشی راپەڕین گروپێكی بازرگان و بەكارهێنەری ماددەی هۆشبەر دەستگیركردووە.

بەگوێرەی راگەیەندراوەكە ئاسایشی راپەڕین  رۆژی 15-5-2023، ئەو  گروپەیان دەستگیركردووە كە دانیشتووی "ناوخۆ و دەرەوەی هەرێمی كوردستانن و دەستیشیان بەسەر بڕێك ماددەی هۆشبەر لە جۆری (كریستاڵ) و ئامڕازەكانی بەكارهێنان و پێوانەكردنی ماددەی هۆشبەر دا گرتووە".

 تۆمەتبارەكان  بەفەرمانی دادوەری لێكۆڵینەوە تۆمەتباران بە ماددەكانی 26 و 30 لە یاسای بەرەنگاربوونەوەی ماددە هۆشبەرەكان و كارتێكەرە ئەقڵییەكان راگیراون و لێكۆڵینەوە لە دۆسییەكانیان بەردەوامە .

پێشتریش لەلایەن بەڕێوەبەرایەتی ئۆپراسیۆنەكانی دەزگای ئاسایش، باندێكی بازرگانی سێ كەسی بە ماددەی هۆشبەری هەشیش و كریستاڵ و گەردەوە دەستگیر كران. 

PUKMEDIA