لەهەولێر کچە پارێزەرێک بەزۆر پەنجەمۆری پێدەکرێت

ئاژانسەکان

ئەو کچە پارێزەرەی پێشێلکاری بەرامبەرکراوە

پارێزەرێکی دیکە کە بەرەگەز عەرەبە، لەشاری هەولێر پێشێلکاری یاسایی بەرامبەر دەکرێت و تۆمەتبارانیش  ئازادانە دەسوڕێنەوە.

ئەمانی ئەلکیانی ئەو کچە پارێزەرەی لەرووداێکی هاتووچۆدا لەهەولێر بریندار بوو، دوای هاتنە دەرەوەی لەنەخۆشخانە لەکۆنگرەیەکی رۆژنامەوانیدا وتی:"دوو هەفتە پێش ئێستا لە رووداوێکی هاتووچۆدا لەلایەن چەند کەسێکی نەناسراوەوە بە سەیارە لێمدرا و پاشان هەڵاتن".

وتیشی:" پاش بردنم بۆ نەخۆشخانە باری تەندروستیم باش نەبوو هاوکات شکاوی زۆرم هەبوو".

ئەمانی ئەلکیانی ئاماژەی بەوەشکرد: لەکاتی چوونە ژوورەوەم بۆ ژووری نەشتەرگەری، ئەوکەسانەی بەسەیارەکە لێیاندابووم بەزۆر پەنجەمۆری لێخۆشبوونیان پێ کردم و بە ئازادی لەهەولێر دەسوڕێنەوە، سەرەرای ئەوەی سکاڵاشم تۆمارکردووە، بەڵام تا ئێستا وەڵامی سکاڵاکەم نەدراوەتەوە، بۆیە داواکارم سەندیکای پارێزەران مافەکانم بۆ وەربگرنەوە".

PUKMEDIA