پارێزه‌رێك له‌هه‌ولێر: ئازادی بۆ له‌شفرۆشی هه‌یه‌و بۆ چالاكوانان نییه‌

PUKMEDIA

پارێزه‌ر گۆران دیبه‌گه‌یی

پارێزه‌رێك له‌هه‌ولێر له‌باره‌ی ئازادی راده‌بڕین و كاری رۆژنامه‌نوس و چالاكوانان ده‌ڵێت:" ئازادی بۆ له‌شفرۆشان له‌ هه‌ولێر هه‌یه‌، به‌ڵام بۆ رۆژنامه‌نووس و چالاكوان و داكۆكیكارانی مافی خه‌ڵك نییه‌".

له‌كۆنگره‌یه‌كی رۆژنامه‌وانیدا له‌شاری هه‌ولێر پارێزه‌ر گۆران دیبه‌گه‌یی رایگه‌یاند :"به‌داخه‌وه‌ كه‌ ئازادی بۆ له‌شفرۆشان له‌ هه‌ولێر بوونی هه‌یه‌، به‌ڵام بۆ رۆژنامه‌نووسان و چالاكوانان و داكۆكیكارانی مافی خه‌ڵك نییه‌".

"كاری به‌دڕه‌وشتی له‌هه‌ولێر ئه‌نجامده‌درێت و ده‌سه‌ڵاتیش چاوپۆشی ده‌كات و له‌داهاتووشدا كاریگه‌ری خراپی ده‌بێت له‌سه‌ر شكۆی هه‌رێمی كوردستان، ئه‌گه‌ر كابینه‌ی نۆ و كابینه‌كانی داهاتووش چاكسازی نه‌كه‌ن و له‌ خه‌می هاووڵاتیاندا نه‌بن"، گۆران دیبه‌گه‌یی واده‌ڵێت.

ئاماژه‌ی به‌وه‌شداوه‌: "ئه‌و له‌شفرۆشییه‌ی له‌هه‌ولێر رووده‌دات پێچه‌وانه‌ی یاسا و ده‌ستوور و جاڕنامه‌ی جیهانی مافه‌كانی مرۆڤه‌ و ئه‌گه‌ر حكومه‌تی هه‌رێمی و كوردستان و داواكاری گشتی سنوورێكی بۆ دانه‌نێت، كاردانه‌وه‌یه‌كی خراپی ده‌بێت و هاووڵاتیانی شاری هه‌ولێر به‌رگه‌ی ئه‌م بێڕه‌وشتییه‌ ناگرن".
PUKMEDIA