سودانی: ده‌بێت وانه‌ له‌سه‌روه‌رییه‌كانی سه‌رۆك مام جه‌لال وه‌ربگرین

PUKMEDIA

محه‌مه‌د شیاع سودانی له‌سه‌ر مه‌زاری مام

دوای به‌شداری كردنی له‌دیداری سلێمانی، محه‌مه‌د شیاع سودانی سه‌رۆك وه‌زیرانی عیراق سه‌ردانی مه‌زاری سه‌رۆك مام جه‌لال-ی كردو تاجه‌ گوڵینه‌وه‌ی رێزو وه‌فای له‌سه‌ر مه‌زاری سه‌رۆك مام جه‌لال دانا، پاشان له‌ تۆماری مه‌زاری سه‌رۆك مام جه‌لال ده‌نوسێت:" ئه‌م كاروانه‌ پڕ له‌سه‌روه‌ریه‌ی سه‌رۆك مام جه‌لال هانی هه‌موان و له‌پێش هه‌موشمان هانی برایانمان له‌یه‌كێتیی نیشتمانیی كوردستان ده‌دات كه‌په‌ندو وانه‌ی لێوه‌رگرین بۆ ده‌سته‌به‌ركردنی ئاسایش و سه‌قامگیری كوردستان و عیراق".

ده‌قی نوسینه‌كه‌ی محه‌مه‌د سودانی..

ئه‌مڕۆ (15/3/2023) شه‌رفمه‌ندبووم به‌سه‌ردانی كڵكۆی سه‌رۆك جه‌لال تاڵه‌بانی و دانانی چه‌پكه‌ گوڵ و خوێندنه‌وه‌ی سوره‌تی فاتیحا بۆ رۆحی پاكیان.

ئه‌م رۆژه‌ هاوكاته‌ له‌گه‌ڵ تێپه‌ڕبوونی 20 ساڵ به‌سه‌ر ئه‌و گۆڕانكارییانه‌ی به‌سه‌ر عیراقدا هات، كه‌ مام جه‌لال یه‌ك له‌پایه‌ سه‌ره‌كییه‌كانی ئه‌و گۆڕانكارییانه‌و قۆناخی خه‌بات و تێكۆشان بوو دژی رژێمی دیكتاتۆری و رۆڵی گه‌وره‌ی له‌ نوسینه‌وه‌ی ده‌ستوری هه‌میشه‌یی و بنیاتنانه‌وه‌ی عیراقی دوای 2003 بینی، هه‌روه‌ها به‌دانایی و نیشتمانپه‌روه‌ری و دنیابینی قوڵی خۆی، جێ ده‌ست و كاریگه‌ری باشی له‌پرۆسه‌ی سیاسی هه‌بوو، ئه‌م كاروانه‌ پڕ له‌سه‌روه‌ریه‌ی سه‌رۆك مام جه‌لال هانی هه‌موان و له‌پێش هه‌موشمان هانی برایانمان له‌یه‌كێتیی نیشتمانیی كوردستان ده‌دات كه‌په‌ندو وانه‌ی لێوه‌رگرین بۆ ده‌سته‌به‌ركردنی ئاسایش و سه‌قامگیری كوردستان و عیراق".

محه‌مه‌د شیاع سودانی
سه‌رۆكی ئه‌نجومه‌نی وه‌زیرانی عیراق
15/3/2023

PUKMEDIA