سەرۆك بافڵ: بە هەزار ساڵی تر ناگەینەوە بە مام جەلال

PUKMEDIA

سەرۆک مام جەلال

بافڵ جەلال تاڵەبانی سەرۆكی یەكێتیی نیشتمانیی كوردستان لە پێشوازی رەخنە و تێبینییەکانی د. رێواس فایەق لە بارەی داكۆكیكردن و پشتیوانی پرسی ژنانەوە دەڵێت: "بە هەزار ساڵی دیكەش ناگەینەوە بە سەرۆك مام جەلال و كەس لە مام جەلال نەچووە و كەسیش لەو ناچێت".

د.ریواز فایەق سەرۆكی پەرلەمانی كوردستان  كە لە دیبەیتی پرسی ژنان لە دووەمین كۆڕبەندی هەولێر رایگەیاند: "كاك بافڵ تاڵەبانی بە 100 ساڵی دیكە ناتوانێت بگاتەوە بە سەرۆك مام جەلال لە پرسی داكۆكیكردن لە ژنان و باوەڕبوون بە تواناكانی ژنان و پشتیوانیكردنیان".

سەرۆك بافڵ تاڵەبانی دەستخۆشی لە سەرۆكی پەرلەمانی كوردستان دەكات و  دەڵێت: "دەستخۆش رێواس خان تۆ كەمت وتوە، چونكە نەك 100 ساڵ، بە 1000 ساڵی تریش ناگەینەوە بە سەرۆك مام جەلال" و دەڵێت "كەس لە مام جەلال نەچووە و كەسیش لەو ناچێت".
PUKMEDIA