هەوڵەكانی یەكێتی بۆ ناردنی نەوتی سپی ماڵان سەركەوت

ميدياكان

دابەشكردنی نەوتی سپی

بە هەوڵی فراكسێۆنی یەكێتیی نیشتمانیی كوردستان، لەلایەن حكومەتی عیراقەوە نەوتی سپی بۆ هاووڵاتیانی هەرێم نێردرا.

لەوبارەیەوە د.بڕیار رەشید ئەندامی ئەنجومەنی نوێنەرانی عیراق لە فراكسیۆنی یەكێتی بە سایتی رەسمی یەكێتیی نیشتمانیی كوردستان PUKMEDIA ی راگەیاند: "فراكسیۆنی یەكێتی یەكەم فراكسیۆن بوو هەوڵیدا نەوتی سپی لە رێگای بەغداوە بۆ هاووڵاتیانی هەرێم دابینبكات".

"هەرچەندە رێگرییەكان چ لەسەر ئاستی عیراق و هەرێمی كوردستانیش رێگری زۆرمان لێكرا بەڵام دواجار هەوڵەكانی یەكێتیی نیشتمانیی كوردستان بۆ ناردنی نەوتی سپی ماڵان لەلایەن بەغداوە سەركەوت" د. بڕیار وادەڵێت.

راشیگەیاند: "لە ماوەی رابردوو هەموو بەڵگەكانمان هەنگاو بە هەنگاو خستەڕوو، بە تەحەداوە ئەگەر لەسەر نووسراوی هەر لایەنێكی سیاسی دیكە بە حكومەتی هەرێمیشەوە رەزامەندی لەسەر ناردنی نەوتی سپی دراوە با بیخەنەڕوو، چونكە پاش ئەوەی رامانگەیاند كە كارەكەمان گەیشتە ئەنجام لایەنە سیاسییەكانی دیكە  و حكومەتیش كارەكەی فراكسیۆنی یەكێتیان كرد بە هی خۆیان".

بەڵگەكان بەوێنە:

PUKMEDIA