Wergirtina gumrikê li ser goşt û hêk û mirîşkan hate rawestandin

PUKMEDIA

Rawestandina wergirtina gumrikê

Serokwezîrê Îraqê biryar da ku wergirtina bac û gumrikên ku li ser berhemên hêk, mirîşk û goştê zindî yê hawirdekirî hatine sepandin, bên paşxistin.

Serokwezîr Elî Falih Zeydî, ferman da ku wergirtina bac û gumrikên li ser berhemên hêk, mirîşk û goştê zindî yê hawirdekirî bên paşxistin, ev yek jî ji bo parastina aramiya bazarên navxweyî di berjewendiya welatiyan de ye.

Di vî warî de, Kompaniyên Giştî ya Bazirganiya Xwarinê ya girêdayî Wezareta Bazirganiyê ragihand: Serokwezîr biryar daye ku gumrikên li ser goştê zindî (pez û dewarên mezin) rake, û ev yek jî dê bihayê goşt li bazarê daxe.

Ev gava han piştî wê yekê hat ku ji ber bilindbûna bihayê fermî yê dolarî ji aliyê Banka Navendî ve, tirsandineke li cem welatiyan çêbû ku dê kelûpel û pêdiviyên sereke giran bibin. Armanca hikumetê ji vê biryarê ew e ku piştgiriyê bide hevsengiya bazarê û pêşî li bilindbûna bihayê xwarinê bigire da ku bi bihayekî guncaw bigihêje destê welatiyan.

PUKMEDIA