Karwana çaremîn a koçberên Serê Kaniyê bi rê ketin

PUKMEDIA

Serê Kaniyê

Karên vegera koçberên Serê Kaniyê û gundewarê Til Temirê bo gund û zeviyên wan dewam dikin. Bi destpêkirina karwana çaremîn re ku nêzîkî 514 malbatî bi hejmara 4584 kesan dihewîne, di nava tekezkirinên hikûmî de ku karwanên vegerê dê di heyama pêş de jî bidomînin, heta ku hemû koçber vegerin malên xwe.

Karwana çaremîn a koçberên gundewarê bajarê Serê Kaniyê û gundewarê Til Temirê, ber bi gund û zeviyên xwe ve îro sibê zû bi rê ket. Ev kom nêzîkî 514 malbatî bi hejmara 4584 kesan pêk tê, ev yek jî bi amadebûna şandeke hikûmî ku cîgirê fermandarê Asayişa Hundirîn Mehmûd Xelîl (Siyamend Efrîn) û endamê şanda serokatiyê Mistefa Ebdî tê de cih girtibûn, pêk hat.

Endamê şanda serokatiyê Mistefa Ebdî, di civîneke çapemeniyê de piştî destpêkirina karwan, da diyar kirin ku rewşa ewlehiyê ji bo pêşwazîkirina koçberên vegeriyayî amade ye, piştî ku tedbîrên pêwîst ji bo parastina wan ji metirsiya mînan û bermahiyên şer hatin girtin, ligel pêşkêşkirina alîkariyan ji derman û selikên xwarinê û dabînkirina pêdiviyên wan ên jiyanî.

Ebdî teKez kir ku karwanên vegerê dê bidomînin heta ku hemû koçber beriya Sersalê vegerin malên xwe, û diyar kir ku nêzîkî 50 malbat îro ji bajarê Serê Kaniyê ber bi malên xwe yên li bajarê Hesekê ve diçin.

Ji aliyê xwe ve, Cîgirê Fermandarê Hêzên Asayişa Hundirîn li Hesekê, Mehmûd Xelîl, got ku koma niha dê ber bi 75 gundên ku hatine paqijkirin û amadekirin ji bo pêşwazîkirina xelkê ve biçe, û da zanîn ku du komên din di nava hefteya pêş de ber bi malên xwe ve birê dikevin.

Xelîl zêde kir ku 50 malbat ji bajarê Serê Kaniyê dê di heman demê de biçin malên xwe yên li taxa Xiwêran a bajarê Hesekê, û diyar kir ku malên ku li bajarê Serê Kaniyê bên valakirin dê ji bo vegerandina xwediyên wan ên koçber di nava koma pêncemîn an jî berî wê de werin veqetandin.

PUKMEDIA