Navenda Celteya Mejî ya Silêmaniyê digihîje asteke cîhanî

Ragihandina Nexweşxaneya Şar

Nexweşxaneya Şar

Navenda Celteya Mejî ya li Nexweşxaneya Fêrkariyê ya (ŞAR) a bajarê Silêmaniyê, cara yekemîne li ser asta Îraq û Herêma Kurdistanê, bawernameya naskirina navneteweyî ji Rêxistina Cîhanî ya Celteya Mejî (World Stroke Organization - WSO) wergirt û wekî navendeke sereke ya taybetmend (Essential Stroke Center) bi kalîteya cîhanî hate naskirin.

Ev destkeftiya dîrokî piştî wê yekê hat ku tîmên pispor ên rêxistinê gelek caran serdana bajarê Silêmaniyê kirin û lêkolîn û nirxandineke meydanî ya hûr ji bo hemû beş û şiyanên bijîşkî yên navenda celteya mejî li nexweşxaneya ŞAR pêk anîn, di encamê de, wan asta bilind û pabendbûna tam a navendê bi pîvanên cîhanî yên çavdêriya bijîşkî û pêşkêşkirina çêtirîn xizmetguzariyan ji bo nexweşan pesend kirin.

Bi vî rengî, Navenda Celteya Mejî ya li Nexweşxaneya ŞAR bû yekem navenda hikûmî li ser asta Îraq û navçeyê ku karîbû vê bawernameya navneteweyî bi dest bixe, ku demê destûra wê ji 21ê Tebaxa 2026an heta 20ê Tebaxa 2029an berdewam dibe. Ev gav asta xizmetguzariyên tenduristiyê yên Silêmaniyê dibe qonaxeke bilindtir û nexweşxaneya (ŞAR) dike navendeke pêbawer û hêjayî serbilindiyê li ser asta navçeyê.

PUKMEDIA