Serok Bafil ji Wezîrê Derve yê Îranê Dr.Ebas Êraqçî telefon wergirt

Nivîsgeha Rojnamevanî ya Serok Bafil

Serok Bafil û Dr. Ebas Eraqçî

Serok Bafil Celal Talebanî ji Wezîrê Derve yê Komara Îslamî ya Îranê Dr. Ebas Êraqçî telefon wergirt

Di peywendiyê de, her du aliyan li ser pêşketinên herî dawî yên ewlehî, siyasî û aborî yên li herêmê nêrînên xwe parve kirin û rêbazên bidawîanîna aloziyên heyî gotûbêj kirin û tekezî li ser girîngiya parastina aştî û aramiyê û xurtkirina hemahengiyê di rû bi rûbûna pirsgirêkên hevpar de kirin.

Serok Bafil tekezî li ser girîngiya berdewamiya diyalog û peywendiyên dîplomatîk wekî riya herî bibandor ji bo kêmkirina aloziyan û vegerandina aştî û aramî, û parastina berjewendiyên hemû gelên li herêmê kir û destxweşî li Wezîrê Derve yê Îranê birêz Ebas Eraqçî kir ji bo hewldanên wî yên berdewam yên dîplomatîk û avaker di lêgerîna çareseriyên aştiyane ji bo aloziyan û aramiyeke berfirehtir de.

Her wiha herdu aliyan li ser peywendiyên dîrokî û stratejîk yên di navbera Yekîtiya Nîştimanî ya Kurdistanê (YNK) û Komara Îslamî ya Îranê de gotûbêj û pabendbûna xwe ji bo bi hêzkirina peywendiyên dualî û hemahengiya li ser bingeha berjewendiyên hevpar, cîrantiya baş û aramiya herêmî ji nû ve kirin.

Di berdewamiya gotûbêjan de, Wezîrê Derve yê Îranê Serok Bafil vexwend Tehranê ji bo gotûbêjên zêdetir li ser encamên ewlehî û aborî yên pevçûnan li ser asta herêmî û navneteweyî.

PUKMEDIA