Ji ber firehbûna agir 20 hezar kes bi neçarî malên xwe bi cih hêştin

PUKMEDIA

Şewata li Kanadayê

Ji ber şewateke mezin a daristanan li Kanadayê rewşa awarte hat ragihandin, ku ji ber wê zêdetirî 20 hezar kes neçar man malên xwe bi cih bihêlin û bi dehan kes jî asê man.

Berpirsên Kanadayê li herêma Birîtîş Columbiya piştî derketina şewateke mezin a daristanan rewşa awarte ragihandin, piştî ku şewat bi hêz û lezgîn zêdetirî 20 hezar kes neçar kir ku di şevê de malên xwe vala bikin.
Ji ber leza belavbûna agirê û guherîna rewşê, hejmarek welatî li herêmê asê man û tîmên rizgarkirinê bi helîkopteran dest bi veguhestina wan kirin.

Serokwezîrê Kanadayê tevî spaskirina tîmên vemirandina agir, ragihand ku hikûmet bi hemû hêza xwe alîkariya herêmên ziyangihayî dike û berpirsên xwecihî jî hişyariyê didin ku agir hîn jî bi tundî berdewam e.

PUKMEDIA