Pizîşkiyan û Vans derbarê Tengava Hormizê daxuyaniyên erênî didin

PUKMEDIA

Tengava Hormiz

Serokê Îranê Mesûd Pizîşkiyan diyar kir ku, dema niha çêtirîn deme ji bo lihevkirinekê li ser Tengava Hormizê, di heman demê de Cîgirê Serokê Amerîkayê jî tekez kir ku Îran dixwaze vê mijarê biqedîne.

Pizîşkiyan di daxuyaniyeke çapemeniyê de ya roja Şemiyê got: "Ez bawer dikim ku dema niha çêtirîn deme ji bo gihîştina bi peymanekê; ji ber ku li welêt hevgirtin, hêz û yekrêzî heye."

Wî da xuyakirin ku "şert û mercên heyî dikarin bibin derfetek ji bo berdewamkirina rêka gihîştina bi peymanekê û çareserkirina pirsgirêkan bi rêya diyalogê."

Serokê Îranê wiha domand: "Em hewl didin ku zext li ser gelê me nebin û em jî dizanin ku niha di hemû waran de zehmetî hene", her wiha tekez kir ku "divê aliyê din mafên me nas bike û mîsoger bike, em jî tiştekî ji xeynî mafên welat û gelê xwe naxwazin."

Diyar jî kir ku "pirsgirêk bi tenê bi şer nayên çareserkirin û em dixwazin li ser bingeha bendên yadaşta têgihiştinê di rêka aştiyê de bimeşin", û da zanîn: "Emê bi qasî ku aliyê din di danûstandinan de pêş ve biçe, pêş ve biçin, û eger ew tu pêşveçûnê nîşan nedin, emê daxwazên wan qebûl nekin."

Ji aliyê xwe ve, Cîgirê Serokê Amerîkayê JD Vance tekez kir ku Îranê ji me re ragihandiye ku ew ê bihêlin petrol bi asta herî bilind li Tengava Hormizê re biherike.

Vans, di daxuyaniyeke çapemeniyê de ya îro got: "Îranê ji me re ragihandiye ku ewê destûrê bidin ku petrol bi awayê herî zêde bi Hormizê re derbas bibe, lê belê heta ku neyê pişratkirin em baweriyê pê nakin."

Cîgirê Serokê Amerîkayê her wiha got ku "Îranî di nava zehmetiyan de ne û dixwazin vê mijarê biqedînin", û tekez kir ku "Amerîkayê li ser danîna planeke derbasbûna bi ewle ji bo keştiyan li Tengava Hormizê dixebite, û ev yek pabendbûna Îranê ya bi agirbestê ye.

PUKMEDA