Letîf Nêrweyî: Çepkegulê Mam Celal li PUKMEDIA tê derketin

PUKMEDIA

Letîf Nêrweyî

Îro malpera PUKMEDIAyê her du beşên zimanên Farisî û Turkî vekirin û berpirsê borda ragihandinê diyar kir ku deste gula Serok Mam Celal li PUKMEDIAyê xwe dide der û em kêfxweşin ku tîmên dîplomatîk ên li Herêma Kurdistanê wekî çavkaniyekî girêdayî û cihê pêbaweriyê bi PUKMEDIAyê re mijul dibin.

Di vê derbarê de Letîf Nêrweyî berpirsê borda ragihandina Yekîtiya Nîştimanî ya Kurdistanê (YNK) ragihand: Vekirina beşên Turkî û Farisî ji bo malpera fermî ya Yekîtiya Nîştimanî ya Kurdistanê (PUKMEDIA) pêngaveke girînge, ji ber ku ew zimanê du welatên cîran û xwedî hêzên herêmê ne. Her wiha ev her du welat sînorekî berfireh bi Herêma Kurdistanê re ne, û têkiliyeke me ya berfireh di warê bazirganî, aborî, çandî, fêrkirin û dîplomasiyê de bi wan re heye.

Wî da xuyakirin: Bi rêya beşên Farisî û Turkî yên PUKMEDIAyê, em wekî Yekîtî peyama fermî, siyaset, helwest û dîdara YNK ji bo pirsgirêkên cuda digihînin raya giştî, noxbeya siyasî, medya û dîplomasiya wan her du welatan. Çawa ku ji bo wan girîng e ku peyam û siyaseta xwe bi zimanê şîrîn ê kurdî û bi rêya televîzyon, radyo û medyaya nû bigihînin gelê Kurdistanê, ji bo me jî girîng e ku em peyamên xwe bi zimanên Farisî û Turkî bigihînin her du welatên cîran.

Her wiha malpera fermî ya Yekîtiya Nîştimanî ya Kurdistanê PUKMEDIAyê, îro duşemê 3yê Tebaxa 2026an, di pêngavekî nû de, beşên Farisî û Tirkî li malperê vekirin. Bi vê pêngavê re malper niha nûçe û agahiyên xwe bi zimanên: Kurdî (Soranî û Kirmancî), Erebî, Îngilîzî, Farisî û Turkî diweşîne. Her wiha rûpelekî wê li ser Facebookê bi zaravayê Badînî heye, ji bilî ku rûpel û kanalên xwe yên taybet li ser torên civakî yên wekî (YouTube, Instagram, X - Twitterê berê, Facebook û Telegram) hene, û di pêşerojeke pir nêzîk de jî dê beşa Rusî veke.

Bi rêya vê sekoya medyayî, nûçe û helwestên fermî yên YNK bi astên herî bilind ên profesyoneliyê, pişta xwe bi çavkaniyan girêdan, rastbûn, pêbawerî û rêzgirtina li xwendevanan tên belavkirin, û berhemên medyayî yên ji rapor, nûçe û cureyên din ên rojnamegeriyê tên pêşkêşkirin.

Tête gotin ku malpera PUKMEDIAyê di 22yê Rêbendana 2003yan de bi biryara Mekteba Ragihandinê ya Yekîtiya Nîştimanî ya Kurdistanê dest bi kar kir û heta niha jî berdewam e, ku di destpêkê de bi zimanên Kurdî û Erebî dest pê kir, paşê çend zimanên din lê hatin zêdekirin.

PUKMEDIA