Erdhejek bi hêza 7.1 pile Japoniya hejand

Reuters

Karîgeriya Erdhejê

Erdhejeke bi hêz bi mezinahiya 7.1 li gorî pîvana Richter welatê Japon hejand û ji ber wê gelek kesan jiyana xwe ji dest dane û kareba nêzîkî 40 hezar malî qut bûye, her wiha hişyarî li ser çêbûna Tsunami jî tê dayîn.

Ajansa keşnasiyê ya Japonê belav kiriye ku navenda erdhejê li parêzgeha "Kumamoto" bûye û hişyarî ji bo çend parêzgehên din jî hatiye belavkirin û xetereya çêbûna Tsunamiyê heye, her çendî heta niha ti çalakiyeke tsunamiyê çênebûye.

Li gorî medyayê Japonê, ew herêma ku erdhejê girt nav xwe, kargeh û kompaniya lê hene wekî Sony û TSMC ku kompaniyên herî mezin ên çêkirina perçeyên elektronîkî ne li cîhanê.

Kompaniya "Kyushu" ya ji bo wizeya karebê belav kiriye ku karebeya nêzîkî 40 hezar malî ji ber erdhejê qut bûye, kompaniyeke xeta hesin (trênê) jî xizmetguzariya trênan rawestandiye.

Tora televîzyonê ya "TBS" jî belav kiriye ku gelek kes li navendeke bazirganiyê de jiyana xwe ji dest dan ku ji ber erdhejê zirar dîtibûn.

Serokwezîra Japonê Sanae Takaichi jî tomarkirina çend birîndaran, hilweşîna avahiyan û derketina agiran li başûrê rojavayê welatê xwe ji ber erdhejê ragihand.

Ev di demekê de ye ku di sala 2016an de du erdhejên bi hêz herêma Kumamotoyê girtin nav xwe ku ya yekem mezinahiya wê 6.5 û ya duyem jî 7.3 bû, ji ber wê 273 kesan jiyana xwe ji dest dan û 2 hezar û 800 kesên din jî birîndar bûn, lê erdheja herî bi hêz di sala 2011an de bû ku mezinahiya wê 9.0 bû û bû sedema çêbûna tsunami û mirina 18 hezar û 500 kesan.

PUKMEDIA