Pakistan bang dike ku pabendî yadeştnameya Îslam Abadê bin

PUKMEDIA

Îran û Amerîka

Cîgirê Serokwezîr û Wezîrê Derve yê Pakistanê Mihemed Îshaq Dar tekezî li ser girîngiya pabendbûn bi sozên agirbestê ku di yadeştnameya Îslam Abadê de hatiye kir, bang kir ku ji her gavakê ku rageşiyê zêde dike dûr bikevin.

Îshaq Dar teKezî li ser hewcedariya lezgîn a kêmkirina rageşiyê kir û daxwaza rêzgirtina li serwerî û parastina axa dewletan kir, her wiha destnîşan kir ku parastina aştî û ewlehiya herêmî divê wekî pêşengiya sereke bimîne.
Ev daxuyaniyan di demekê de tên ku Îranê ragihand ku wê xebatên ku di yadeştnameyê hatiye îmzekirin de rawestîne, û Waşinton bi binpêkirina sozên xwe tawanbar kiriye. Cîgirê Wezîrê Karên Derve yê Îranê Kazim Xerîb Abadî got ku welatê wî di danûstandinan de bû bi Amerîkayê dema ku Waşinton dest bi kiryarên leşkerî kir, li gorî gotina wî .

Ev biryara Îranê derbeyeke nû ye li wan jihevtêgihîştinên ku bi navbeynkariya Pakistanê pêk hatibûn, ku armanca wan rawestandina operasyonên leşkerî û amadekirina mercan ji bo lihevkirineke berfireh di navbera Waşinton û Tehranê de bû. Yadeştmanyê bi hewildanên çespandina aramiyê û ji nû ve vekirina Tengava Hurmizê ji bo keştivaniya navdewletî ve girêdayî bû.

Fermandariya Navendî ya Amerîkayê "CENTCOM" Yekşemê ragihand ku gereke nû ya êrîşên esmanî yên li dijî Îranê di 18'ê Tîrmehê de li ser rênimayên Serokê Amerîkayê Donald Trump bi dawî bûye, û got hêzên CENTCOM'ê bi serkeftî xalên çavdêriyê yên deryayî û dezgehên parastina esmanî yên ser bi artêşa Îranê ve, li gel şiyanên deryayî û cihên embarkirina mûşek û dron kirin armanc, ku ev yek di çarçoveya hewildanên wê yên berdewam de ye ji bo lawazkirina şiyanên leşkerî yên Îranê.
Medyaya Îranê ragihand ku dengê teqînan li bajarên Bender Ebas, Qeşm û Bender Lence hatiye bihîstin, li gel armancgirtina deverên nêzîkî bajarên Sîrîk û Hacî Abad li başûrê welat, bêyî ku ti daxuyaniyeke fermî li ser qebareya ziyanên canî an madî bê dayîn.

PUKMEDIA