Peyama Qubad Talebanî bo 51`saliya damezirandina YNKê

Ragihandina Qubad Talebanî

Qubad Talebanî

Qubad Talebanî bi boneya 51 saliya damezirandina Yekîtiya Nîştimanî ya Kurdistanê peyamek belav kir û ragihand: Sala 1975an piştî wê Taliya şikestinê û tama bêhêvîtiyê ya ku bi ser Kurdistanê de girtibû, YNK çendî pêwîst bû ji bo vegerandina moral û hêvî, û ji bo birêxistinkirina gel û geşkirina xebata mafxwazane û rizgarîxwaziya gelê Kurdistanê, niha jî piştî 51 salan, bi heman endeze Yekîtî pêwîste ji bo parastina destkeftan, çareserkirina kêşeyan û peydakirina mafên destûrî yên gelê Kurdistanê.

Naverokê peyamê:
Sala 1975an piştî wê taliya şikestinê û mijê bêhêvîtiyê yê ku bi ser Kurdistanê de girtibû, Yekîtiya Niştimanî ya Kurdistanê çendî pêwîst bû bo vegerandina moral û hêvîyê, bo birêxistinkirina gel û geşkirina xebata mafxwazane û rizgarîxwazan ya gelê Kurdistanê, niha jî piştî 51 salan, bi heman pîvanê Yekîtî pêwîste bo parastina destkeftiyan, çareserkirina pirsgirêkan û peydakirina mafên destûrî yên gelê Kurdistanê.


Çima?

Ji ber ku YNK li Bexdayê û li ser asta navdewletî jî ew hêz e ye ku her kes hisabê bo helwest û siyaseta wê dike. Hevpeymanên wê yên bihêz hene û bi siyaseta jîr û aqilane di girantirîn qeyranan de û di serdemên herî dijwar de dergehan li ber çareseriyê vedike.

Niha her kes hebûna YNK li Bexdayê wekî garantiyekê bo parastina mafên kurdan û çareserkirina pirsgirêkên hemû Îraqê dibîne.
Bo navxweyê Kurdistanê jî aştî, azadî, demokrasî û dadperwerî baweriyên neguhêr ên Yekîtiya Nîştimanî ne. Armanca wê di vegerandina hevsengiya hêzê de bo çespandina demokrasî û dadperweriyê, her weha bo baştirbûna xizmetguzarî û rewşa jiyana hevwelatiyane bêyî ku hîç herêmek bê piştguhxistin.

Her ji ber baweriya me bi dadperwerî û baştirkirina jiyana hevwelatiyan, siyaseta Yekîtî di vê qonaxê de giringîdan e bi geşepêdana hevseng û geşbûna aborî ya qeza û taxan.
Wekî ku me berê soz daye û niha jî em dupat dikin, emê xizmetkarê gelê Kurdistanê bin. Berjewendî û daxwaza çîn û tiwêjên gelê Kurdistanê, berjewendî, daxwaz û helwesta Yekîtiya Niştimanî ya Kurdistanê ye.
Di 51`saliya damezirandina Yekîtiya Niştimanî ya Kurdistanê de, em bi rêz û rûmet hemû şehîdên Yekîtiyê bi bîr tînin û silavan dişînin bo rihê Serok Mam Celal, endamên desteya damezirîner û hemû wan heval û ezîzên ku bi xebat û têkoşîna Yekîtiyê ve westiyane.
Her weha em pîrozbahîyeke germ li hemû hevalan, cemawerê dilsoz û xwediyên serbilind ên şehîdên YNK dikin.
Em piştrast in ku YNK bi piştgirî û xemxurîya cemawerê xwe dê her bimîne, her geş bibe û wekî hêza cihê hêvî û baweriya gelê Kurdistanê dê her bimîne.



PUKMEDIA