Şandeke Yekîtiyê û konsulê Çînê tekeziyê li ser xurtkirina peywendiyan dikin

PUKMEDIA

Şanda Yekîtî bi şanda konsulê Çînê re

 
Îro 12ê Gulana 2026an, şandeke Yekîtiya Niştimanî ya Kurdistanê (YNK) bi Lîyo Con, Konsulê Giştî yê Çînê li Herêma Kurdistanê re civiya. Di civînê de tekezî li ser bihêzkirina peywendiyan hat kirin û Konsulê Çînê ragihand: "Em bi girîngî li peywendiya dîrokî ya di navbera Serok Mam Celal û welatê Çînê de dinêrin û wekî bingeha karê niha û yê paşerojê lê dinêrin.

Di civînê de ku Ebû Karwan, Sekreterê Partiya Komunîst a Kurdistanê û hevalên wî jî amade bûn, Salar Mehmûd, Endamê Serkirdayetî û Berpirsê Navenda Derve, bi amadebûna hevalan Omer Elî berpirsê navenda Germiyan û Karwan Yarwês berpirsê navenda Xaneqînê, li Germiyanê bi Liyo Con re civîn pêk anîn.
Di vê hevdîtinê de, Berpirsê Navenda Derve bal kişand ser girîngiya peywendiyên her du aliyan, bi taybetî li ser bingeha peywendiya dîrokî ya Serok Mam Celal û têgihiştinên wî yên bo girîngiya welatê Çînê di asta cîhan û herêmê de.Her weha şanda Yekîtî jî spasiya sardana şanda Çînê kir.
Berpirsê Navenda Derve her wiha ragihand: "Beşek ji vê devera Germesêrê navçeyên Kurdistanî yên nekok in û li gorî taybetmendiya xwe pêdivî bi yekalîkirina çarenivîsê heye.

Konsulê Giştî yê welatê Çînê li Herêma Kurdistanê ragihand: Em bi girîngî li peywendiya dîrokî ya di navbera Serok Mam Celal û welatê Çînê de dinêrin û wekî bingeha karê niha û yê paşerojê lê dinêrin.
Liyo Con tekez kir: Em Yekîtiya Nîştimanî ya Kurdistanê wekî aliyekî dost dinasin û têgihiştina me ji bo rola bandordar a partiya Serok Mam Celal li Kurdistan, Îraq û cîhanê jî heye.
Di dawiyê de jî, Konsulê tekezî li ser pêşxistina peywendiyên aborî û siyasî kir.

PUKMEDIA