Fehmî Burhan: Divê pirsa neteweya me me yek bixe

PUKMEDIA

Fehmî Burhan

Serokê Desteya Giştî ya Navçeyên Kurdistanî yên Derveyî rêveberiya Herêmê radigihîne: Hêz û aliyên siyasî yên Kurdistanê bi namzedkirina (Elî Zeydî) ne nîgeran nebûn, berevajî vê yekê peyamên piştgirî û pîrozbahiyê beriya pêkhateyên din gihandinê. Pêwîst e hemû hêzên siyasî yên Kurdistanê vê rastiyê fêm bikin ku ev bernameya kar, nexşerêya çar salên bê ye û kaxezê danûstandina hikûmeta nû ye bi serokatiya Kurd û hikûmeta Herêmê re. Raste ku em vî qonaxî derbas bikin û pirsa ax û destkeftên gelê me, me bike yek.

Fehmî Burhan, Serokê Desteya Giştî ya Navçeyên Kurdistaniyên Derveyî Îdareya Herêmê di peyamekê de ragihand: Bernameya kar a çar salên bê ya Serokwezîr (Elî Zeydî) ku ji çardeh beşan pêk tê, ti rûbereke ji bo kêşeyên destûrî yên xelkê Kurdistanê tê de nîne. Rast e rêza Kurdî yek û yekgirtî nîne, em wiha bawer dikin ku her ev bûye sedema bingehîn da ku madeya 140 a destûr û maf û daxwazên me yên rewa neyên dîtin.
Got jî: Ev pêşhat piştî wê yekê tê ku hêz û aliyên siyasî yên Kurdistanê bi kandidatekirina (Elî Zeydî) ne tenê nîgeran nebûn, berevajî vê yekê peyamên piştgirî û pîrozbahiyê beriya pêkhateyên din gihandinê. Pêwîst e hemû hêzên siyasî yên Kurdistanê vê rastiyê fêm bikin ku ev bernameya kar nexşerêya çar salên bê ye û kaxezê danûstandina hikûmeta nû ye bi serokatiya Kurd û hikûmeta herêmê re. Rast e ku em vî qonaxî derbas bikin û pirsa ax û destkeftên gelê me, me bike yek.

Fehmî Burhan bal kişande ser wê yekê jî ku: Divê em wê peyamê bi hevbeşî bigihînin Bexdayê ku tevî piştgiriya me ji bo serxistina kabîneya (Elî Zeydî) di çarçoveya destûrê de, ligel wê jî di asta mafên rewa yên gelê me de, bi taybetî li navçeyên nakokbar, em bi kêmtirî tişta ku di madeya (140) a piştguhkirî de hatiye, razî nabin. Erka parlamenterên me jî ji wê demê ve dest pê dike ku ev bernameya kar tê parlamentoyê û pêwîst e di çarçoveya destûra biryardayî de, parastina maf û destkeftên me bikin.


PUKMEDIA