Mamostayên berê yên Rêveberiya Xweser daxwaza vegerandina ser karên xwe dikin

Rewangeha Sûrî bo Mafên Miroavan

Dîmenek ji xwepêşandana mamostayan li Hesekê

 Îro;Çarşem rêkefta (26-08-2026).an mamostayên ku berê di saziyên rêveberiya xweser de kar dikin, îro li ber avahiya Rêveberiya Perwerdehiyê ya bajarê Hesekê çalakiyek rûniştinê li darxistin û daxwaza tevlîbûnê di pêvajoya perwerdehiyê de û vegerandina karên xwe piştî salan ji bêkarbûnê kirin.

Di wê derbarê de Rewangeha Sûrî bo Mafên Mirovan ragihand ku xwepêşanderan daxwazên xwe anîn ziman û bang li rayedarên peywendîdar kirin ku çareseriyek dadperwerane ji bo mercên wan yên kar bibînin û wan vegerînin kerta perwerdehiyê, û tekez kirin ku ew bi mafê xwe yê pratîkkirina pîşeyê û sûdwergirtina ji ezmûna wan ya bi salan di kerta perwerdehiyê de pabend in, di heman demê de bang kirin ku rewşa bendewariyê ya ku ew têde dijîn bi dawî bibe û dosyaya wan bi zelalî çareser bibe.

Çalakiya rûniştinê di çarçoveya mijareke berfirehtir ya derbarê çareserkirina rewşa karmendên perwerdeyê yên ku di saziyên rêveberiya xweser de kar dikin, digel rêkarên yekkirina saziyên perwerdeyê û ji nûve organîzekirina rewşa karmendan li parêzgeha Hesekê de tê.

Ev yek di demekê de ye ku,di heyva Tîrmeha borî de, Rêveberiya Perwerdehiyê bang li mamosteyên ku ji ber sedemên têkildarî şoreşa Sûriyê ji kar hatibûn avêtin kir ku ji bo temamkirina rêkarên îmzekirina peymanên vegera ser kar werin cem wê.

Di heman demê de, komîteyek ji Wezaretên Perwerdehiyê û Geşepêdana Îdarî vê dawiyê dest bi vekolîna dosyayên karmendên perwerdehî û kargêrî kir ku berê beşek ji rêveberiya xweser bûn, daku amadekariya temamkirina rêkarên tevlîbûnê û çareserkirina rewşê bikin.

PUKMEDIA