Vîn û dengên 45 milyon Kurdan li Qamîşlo

Letîf Nêrweyî

Konferansa Qamîşlo ya ji bo Yekîtî û Hevgirtina Kurd waneyek nû û gaveke wêrek, berpirsiyar û neteweyî bû,ku wê yekê selamand ku eger Kurd yekgirtî bin, ew dikarin destkeftiyên girîng ji bo gelê Kurd bi dest bixin û ji aliyê cîranên xwe û cîhanê ve jî werin rêzgirtin.

Konferansa Qamîşlo deng û vîna 45 milyon Kurdan ji cîhanê re ragihand, ji ber ku bêyî ku yekî din tawanbar bike û sivikatiyê bike, bêyî ku dûr bikeve an boykot bike, bêyî ku beşek ji Kurdistanê li ser yekî din şîrove bike, ew yek ji mafên rewa yên gelê Kurd li Rojavayê Kurdistanê bû,her hemû mîna Newroza îsal, hemûyan heman peyam hilgirt, ku ew jî peyama aştî, yekîtî û hevgirtina gelê Kurd û piştgiriya mafên rewa yên gelê Kurd li Rojavayê Kurdistanê bû.

Di peyamekê de,General Mazlûm Ebdî spasiya serokên ku ji bo serkeftina konferansê hewl dane kir û yek ji serokên ku wî behs kir, heval Bafil Talabanî, Serokê Yekîtiya Niştimanî ya Kurdistanê bû,û anîna ziman navê serokê YNKê tê wateye belgeya helwestên neteweyî yên YNKê ye, bi taybetî helwestên Serok Bafil Talabanî, ku di du salên borî de di gelek merasîmên fermî de wiha gotiye: Eger Kurdên li hemû beşên Kurdistanê bibin yek, hemû cîhan dê rêzê li wan bigire û daxwaza dirustkirina yekîtîyeke neteweyî kir û welatên cîhanê dê neçar bimînin ku rêzê li dengê (45) milyon Kurdan bigirin.

Bi xêra xwedê, ev daxwaz îro li Qamîşlo hat cî bi cîkirin, ev hêviyeke demdirêj ya YNK û Heval Mam Celal bû, ku Ji bo vê armancê, roj( 01/12/1977)an de li ser daxwaza Heval Mam Celal civîneke lûtkeyî li bajarê Beyrûtê ji bo dirustkirina yekîtiyeke neteweyî hatibû lidarxistin ku ev yek wekî gava yekem ya pratîkî ji bo dirustkirina yekîtiya neteweyî bû.

Konferansa Qamîşlo û gihîştina belgenameyek siyasî ji bo Kurdên Rojava vê rastiyê diselmîne ku bi yekîtîyê, Kurd dikarin gef û dijwarîyan ji bo berjewendî û pêşeroja gelê Kurd veguherînin derfetên girîng, ji bo berjewendî û pêşeroja gelê Kurdistanê.

Letîf Nêrweyî

Endamê Serkirdayetî û Berpirsê Burda Ragihandinê

PUKMEDIA